حصان طـــــــــــرواده ..................

مرهف الإحساس

لعنبو قهـر الرجـال ولعنبـو ذل الزمـان
ولعنبومن خان في خلّه وعذرب فـي وداده

ما يهز الراس دام الراس له صيت وشـان
دام علمه غانـم والشـور متوثـق عتـاده

بس لك يالقلب سجّـات وللدنيـا أمتحـان
تتلف النفس الرشيده لامشت درب النكـاده

هقوتي عزمي قوي وأحسب أني في أمـان
وكنت أظن القلب في دنياه مايتبـع مـراده

لين دار الوقت وتبدّل علـى قلبـي المكـان
وارتحل معظم شعوري يطلب أوقات السعاده

ما يلام اللي تولّع في هوى الـدر الحسـان
يبتلش فكره وتسكب مقلتـه للدمـع عـاده

مهـرة شقـراء يعـزّ الخيـل عنهأيافـلان
أشهد أن الوصف قصّر والقلم بيّـح مـداده

داهمت بجيوش فتنتها فـوادي فـي ثـوان
حلته وأحتلته مـن دون مجهـود وجهـاده

شابهة لاحصان طرواده بلا سـرج وعنـان
من نقاط الضعف تحرم طرفي المنهك سهاده

لانثنت وتمايلت لي مثـل عـود الخيـزران
خلّفت بالجوف نـار أحرقـه باقـي رمـاده

وجهها كالكوكب الساري على حـدّ المتـان
لاردفت ليـل عتيـم حالـك شـدة سـواده

عزت في نفسهـا تنثـر غبـار العنفـوان
حيّرتني وأبهرتني فـي دلال وفـي ركـاده

تملك اللي حولها من دون سيف أو صولجان
وين ما ولّت عيون الخلق فيهـا بالأشـاده

كلها طيبـة عـذارى كلهـا كتلـة حنـان
في شفايفها ورود وبالحكـي سكـر زيـاده

عمرهازايـد علـى العشرالسنـوات بثمـان
أحرقت بالطرف كبدي والحشـازادت وقـاده

مهرة شلّت خفوقي في يديهـا كيـف كـان
بعدماظنيـت محدٍيمتطـي صهـوة عنـاده

أكتمي ياعين دمعك جعـل دمعـك مايهـان
ولاتطيلين النظروقت نـوى يرحـل شـداده

وش بقالي يابريق الماس من دون الجنـان
غير ليل وهـم ودمـوع تحـدّر عالوسـاده


وسلامتكم يالغالين...........

بقايا جروح

تسلمممممممممممم
اخوي
على الابيات الرائعه جداً

مرهف الإحساس

تسلمممممممممممممممم اخوي سلطان عالرد..................