خواطر تكسر الخاطر....

توني حسبت حساب بعدك وفرقاك
توني دريت اني بدونك ولاشي
خليتني مابين طيفك وذكراك
عذبت حالي ليش ماترفق شوي
ارجع ولو تآمر على الروح تفداك
ارجع تراني شفت موتي وانا حي
--------------------------
اخطيت يوم اني طلبتك حنانك
لاصرت فاقد شي .. واشلون تعطيه؟
مهما نطق لي بالمشاعر لسانك
شي بدون احساس .. مااقتنع فيه
احساسك المصنوع خنته وخانك
جاملتني وبه وانت تجهل معانيه
نصيحة مني تنفعك في زمانك
الا شعورك .. لاتبيعه وتشريه
--------------------------
ياشوق دنيا ماصفت لي على الكيف
من يوم تغير الي معه كنت سالي
محبتني له صافية مابها زيف
حب ومعزة والغلا قلت غالي
اول معي واليوم جاني كما الضيف
لاهمه اخباري ولا كيف حالي !!
--------------------------
بذمتك
مافيك لصاحبك شوق ؟!
بذمتك
ماضانك البعد واضناك ؟؟
انا اشهد ان الشوق لك ساقني سوق
ماعاد فيني عرق الا وناداك
تعال يالي بالغلا منزلك فوق
مافي كل البشر حد يسواك
--------------------------
محدن سأل عني ولا قال وشفيك
محجن درى عن علتي وش جرالي
حتى الذي من بد خلق الله اغليه
اقفى وخلاني وحيدا لحالي
اقفى بلحظة كنت فعلا انا ابيه
ياقف بجنبي ويثبت انه حلالي



انا ياعلي ماعاد بي استطاعة
قلبي من البعد قايد به النار
روحي صابها بسبب حبك خضاعة
عافت الكل وماتبي غيرك جوار
تعال وبعطيك عمري عن قناعة
بقف بوجه الكل ولو جتني اضرار
--------------------------
الصدفة يمكن خير من الف ميعاد
لكن معك تسوى الوف المواعيد
من ناظرك عمره من اعياد لاعياد
كل ثانية في شوفتك تعتبر عيد
في نظرتك رحمة وفي قلبك الحاد
مايرجم العاشق ولو هام في البيد
--------------------------
ابي وعد منك انك ماتخليني
ولاتساوي غلاي بواحدٍ ثاني
وان كانك تحبني صدق وتغليني
لامني اخطيت سامحني علشاني
اما انا في محبتك مايلزم توصيني
من يمك الروح تآمرني وتنهاني
--------------------------
من قال انا ماحبك بالحيل مخطي
كلمة شرف خذها من الراس للراس
حلفت بالله واعلن بخطي
من بعد قلبك كل القلوب تنداس
--------------------------
العين عافت نظرة الغير لرضاك
وكله على شان احتري نظرتي فيك
دامك سكنت بداخل القلب يرعاك
هذا خفوقي وانشده كيف يغليك
قلبي رهنته بالغلا بكف يمناك
مدري على كثر الغلا وين اوديك




تصدق
اشتقت لك
انا اعترف
بعد حياتي تختلف
تايه وحيد .. اصيح باسمك وراتجف
في كل شي اتخيلك
ومهما تغيب .. عندي امل
باكر تجي
وبكل شوق ..
استقبلك
--------------------------
مايزعج النفس الا بعد غاليها
ولا يسعد القلب الا شوفة احبابه
ياعين خلي دموعك فيك خليها
القلب يكفيه من الاحزان ماصابه
يكفي حياتي غلا الغاليين ماليها
لاشفتهم زال كل الضيق واسبابه
--------------------------
لا عاد لي راحة
ولا الصبر ينطاق
مدري متى تسعد
بشوفتك عيوني ؟
ليلي ويومي
ساهر بين الاوراق
ليت الرسايل والصور صبروني !
ودي اشوفك واحضنك بين الاعماق
لكن ظروفي والقدر .. ابعدوني
--------------------------
لك وحشة في داخلي مالها حد
في غيبتك كل المشاعر تنادي
كل الوجوه الي غدت عني تصد
قول روحو ولاتردون .. عادي
الا انت لك اشتاق شوق من جد
احس لك وحشة تقطع عروقي
--------------------------
اشتقت لك بالامس واليوم مشتاق
وباكر اذا شفتك يزيد اشتياقي
لحبك يزيد الحب وتزيد الاشواق
ويزيد بين الضلوع احتراقي
الله جمع فيك الحلاوة والاخلاق
مثلك ولو دورت ماني بلاقي



صباح النور لااكثر
صباح الورد بانواعه
صباح الشمس لي تظهر ونور الفجر واشعاعه
صباح السحب لي تمطر كل لحظة وكل ساعة
صباح الجوري المعطر بدهن العود واباعه
وفوق اكثر ماتتصور
صباح الخير والطاعة
--------------------------
معزتكم وسط عيني
بدم القلب اغذيها ..
لا الساعات تنسيني
ولا الايام بتمحيها
--------------------------
مني لاعز الناس حلو التراحيب
مضمونها تقدير من قلب صافي
سلام ياراعي الوفا والمواجيب
سلام ياقلب مع الناس وافي
لك منزل بين الضلوع المحاديب
عساك دايم بالوجود متعافي
--------------------------
صاحبي اصيل
مابدل صحبته
ولو تفرقنا المسافة ..
صعب
انسى
طيبته ..
--------------------------
مهما حصل مانفترق
دام الأمل فينا صدق
يمكن تغيرنا الظروف
وطبع الليالي ماتروف
بس المهم
ماننتظر
دمعة تعاني وتحتضر
وتبقى معي
بنفس الطريق
أصدق بشر
وأوفى صديق

شكرا اختى على الخاطرة الرائعة00000000000000000 وفى انتظار جديدك

شاكرة مرورك الكريم اخوي مدناوي