قصة زواج بنت والله وعجيبة

اصلع وشعره كثير · 05-12-2006, 04:33 PM

قصة عجيبة لفتاة لاتفوتكم

بقول لكم عن قصه زواج فتاة زواجها الغريب المضحك هذي البنت سلمكم الله
عندها أخوات أكبر منها وأصغر منها وهي توها
متخرجه من الثانوي المهم بالبيت ماعندهم خدامه كل يوم الدور على وحدة
منهم تطبخ وبعدين ترمي الزبالة الله يكرمكم عند الباب المهم جا
دورهالبنت اللي نتكلم عنها كانت سهرانه مع أخواتها الين الساعة 2 الصبح
وبعدها أخواتها طلعوا ينامون فوق.. وهي قعدت تنظف المطبخ وتشطبه.. قامت
وطلعت الزبالة عند الباب..المهم البنت قالت ليش أحطها عند الباب وتجمع
الذباب خليني أتشجع وأرميها بالزبالة بره أحسن..** وطلعت بره بالشارع
وكان الشارع فاضي مرة وكانت الساعة حوالي ثلاث الفجر
يوم جات تطلع ترمي الزبالة قفل باب عليها . وقعدت المسكينه
بالشارع...فكرت ترن الجرس خافت أبوها يغضب و يوبخها. ويسوي لها شيء
(لأن أبوها محافظ) ... وهي بالشارع ماعليها إلا ثياب البيت ..
سمعت المسكينة أن فيه صوت يقرب منها .. أثره صوت سيارة !! قامت مسكت
الزبالة وقلبتها ودخلت فيها !! المهــــــــــم كان اللي جاي ولد
الجيران .. كان توه جاي من استراحة مع ربعه..المهــم جا ولد الجيران وقف
السيارة وطلع المفتاح علشان بيدخل للبيت إلا يسمع صوت يتحرك بالزبالة
إختظ !!
وأستغرب إن الزبالة مقلوبة قام وقرب من عندها... وجا بيرفع الزبالة
إلا صرخت وقالت : لالالالا.قال : بسم الله الرحمن الرحيم..أنت إنس ولا
جن
قالت: إنس قال إنت وش جابك أهنا ؟؟
وقالت له القصة وهي متغطيه بالزبالة وترجت ولد الجيران يساعدها قال خلاص
لاتخافين قام قرب سيارته من باب البيت وركب فوق السيارة ونقز وفتح للبنت
الباب.. وقالها:ادخلي بسرعة لاحد يشوفك قامت مسكينة ماصدقت رمت
الزبالة.. وطلعت كذا قدام ولد جيرانهم المهــــــم
دخلت وقفلت الباب على طووول...وولد الجيران واقف ماتحرك
يناظر فيها... المهم. مامر على هالسالفة يومين إلا جاء وخطبها
من أبوها وتزوجها . والله قصة زواج غريبة وعلى فكرة
ترى هذي القصه. حقيقية وحصلت بالفعل

ღ–ـ‗آلقآٌتلٌ آلصآمٌتٌ‗ـ–ღ · 05-12-2006, 04:53 PM

خخخخخخخخخخخخخخخخخخخخخخخخخخ
والله حلوه اللحين كل سحليه تسوي نفس الطريقة
عشان ما يفوتها قطار الزواج هههههههههههههه
تحصل كل سحليه راميه نفسها في كيس زباله
منتظره ولد جيرانهم ههههههههههههه
امزح امزح يا سحالي لا تصدقون
اشكرك اخوي صلووع على هالقصه ... تحيآتي .. القاتل الصآمت

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحـــــث المتقـــــدم
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

قصة زواج بنت والله وعجيبة

منتدى القصص والروايات