ساعة تهور <<<يوم من أيام لولا

الساعه 10 مساءً لولا في منزل أبيها << أمانه بتكون بمنزل زوجها وهي آنسه
>> بعد ماخلت مكان بالبيت ماراحتوا تحارش فلان وتأزي علان أستقرت بغرفة أمها<<

دق دق أفتح الباب وهجوم >>> يعننها زوق تدق والدخله قبل الدقه
يافرحتي مافش أحد بغرفه امي
الريموت فينوا << الستلايت بغرفه الكباريه وحنا على ون وتو :( >> برفع عليهم دعوة تظلم اين حقوق الإنسان >>بالديش هاااا
اهوا .. يالله العبي من قناة لقناة
>>>> تعض على لسانها ومبحلقه بعنونها وتقول بقلبها يارب يجي شئ يستاهل
ياكثر القنوات ولا في شئ ويقولوا ديش ديش مافيه شئ وين الحرام
وقناة سطار أكاديمي مافي كمان افف ايش دا الريسيفر اللي جايبين والله شياب ماعندهم طموح

عييييييييييط << صوت فتحت الباب
>> غيرت القناة وبقلبها ياربي ايش جايبها الحين

:أووووومـــــــي
فين كنتي مانتبهت لكِ
ايش تساوي بغرفتي العاده لو أموت فيها محد يدخل يسأل عني ودحين عشان الديش كل شويا ناطين
وتشوفي إن مازنيت على أبوكِ لين يشيلوا ماناقصنا إحنا << بصووت الأم الغاضبه على إبنتها
وي وي يا أمي ليش كدا انا جيه عشانك بس مالقيتك قلت اقلب فيه لين تجي >>> بإبتسامه عريضه
طيب ايش تبغي تراى مافيا لكم
<<بقلبها >>ياشين النفس >> عيب امك ماتستحي
لا ولا شئ خلاص بطلت ادري مابترضي
<< مسويه نفسها زعلت وخرجت من الغرفه وماده البوز شبرين
دحين تجي امي وتراضيني ادري ماترضى على زعلي هه هه هه << ضحكت خبث

ومرت ساعه وساعتين ولا سألت الظاهر عرفت حركاتي وماسارت تنفع راح مفعولها :confused: ياربي ايش اساوي دحين طفش
وأتقلب على سريري ولا فيني نوم
خرجت من الغرفه رحت للمطبخ لقيت الخدامه تغسل الصحون
اساعدها يؤؤه بروحي طفشانه خليها يابختها تتسلى << يحسدوا الأعمى على كبر عيونوا
رحت غرفه الضيوف أعيش جوا وأتخيل حد بيجي وأقعد أستنى
وحطيت راسي على الكنبه
وشويا نطت ديك الفكره الجهنيمه اللي تخرجني من الطفش

ايوا والله مافي غيرها
دخلت غرفه اخواني
فتحت الدولاب
امم دا التوب ولا هداك اشوف قدي
ايوا دا ينفع كويس اللي اخويا بطولي مشي عليا
اتفرج على نفسي بالمرايا
::ياربي وسيع الثوب يؤؤه يبغالي كرش وباين اني بنت
اخدت مخدتي وربطتها بإشراب على بطني حتى اختفت مناطق البروز الأماميه >>عاد الخلفيه مالحقناها :poster_oo
وأتلثمت بالشماغ وكبرت وجهي بالمكياج
وتسللت لغرفه امي وأتيت بمفتاح السياره
فتحت باب الشقه وبعد بحث طويل عن صندل شرقي بمقاس رجلي << يامكبر رجول الرجال
وأنزل اول درجه وأفتكر

:: يا الله مامعايا رخصه دحين يمسكوني لو في تفتيش ويروح التخطيط
::مافش غير الشغاله
::ريتا..ريتا
::نعم لولا..
::يالله ألبسي عشان نروح أنا ونتي سواء سواء بن داود << ياحبها له تقابل صاحبها الفلبيني خخخخ>> سوبر ماركت
::لا مافي روح انا الحين ابغى اسوي نوم
::فين نوم ملحقه عليه بسرعه البسي ويالله
::طيب لولا انتِ ليه في البس كدا انتي سوي يعني انتا في ولد << وتضحك المخفه
::ايوا انا اسوي ولد انتي ايش عليكي يالله بتروحي ولا لأ
وهزت راسها وراحت تلبس
نزلت أستناها بالمدخل
::يؤؤه كيف جيه كدا لازم تغطي
::لا ما في أعرف اغطي وجه
::لا مايسير حرام <<مسيبنها طول الفتره الحين حرام
>> والله ان راحت كدا بينكتوا عليا الفلبينيه واروح فيها وأطلع أدور طرحه مرتبه مالقيت غير غطوتي
::ياربي الحين تعفنها بريحة الفثالين اللي يحطوه الله يعفنهم
::بس يالله لمن أرجع أغسلها بالديتول<< من زود العواله ماتعرف دواء الغسيل
وأنزل أديها هيا
:: امسكي البسي الطرحه وغطي يالله
::مافي أشوف بعدين
الله يخسك بتشوفي ايش >> بقلبها
::اقلك ألبسي يالله وخلصينا مني ناقصتك بسرررعه استناكِ بالسياره << ماينعطوا وجه الشغالات
وأخدت سياره السواق وخرجتها من الحوش
وجات الشغاله مغطيه
::فين تركبي وراء سواقة ابوكي انا تعالي قدام >>>> لا جاتك حاجه عند الكلب قولوا ياسيدي<<ايش له دخل المثل ينقال هنا
تمد البوز وتركب وتقفل الباب
::ونا أقلها ياعنوني فين تحبي تروحي <<<< ندلل بقراتنا لتنتج زبده أكثر :
::ايش لولا >> المخفه مو مصدقه حد يدلعها
::اس لاتفضحينا ما أقول شئ بس لا تقولي لولا تفشلينا قولي بابا خلاص

يالله ايش نساوي كمان
اافف الله يستر وأوصل على خير ونا بطق من ريحتها متلثمه وكمان مافش فايده
وفضلت أمشي بالسياره
يافله والله حركات السواقه
وأسحب بريك << بالله اعرفي ايش هوا بالأول وبعدين اتكلمي:D
والناس تطالع ايش فيه دا
وأوقف عند الإشاره وأحس العالم تبص عليا وبتغازلني خخخخ لو كنت بنت انا الحين ولد <<ياحلوا الولد شخصيه تحقيق امنيه منذ نعومة أظافري خخخخخ>> كانت مكحله عنونها ونسيت أنوا الولد مايتكحل>> فكروها من الجنس التالت اللهم ياكافي هههههههههه

::ياربي مافي كورنيش الواحد يروح له يتمشى هوا وخطيبتوا اقصد خدامتوا هههههههههه مافي إلا ستار بكس ونا اللي اقلها.. ياعمري تبغي قهوه
::لولا بابا فين بن داود>> انا بوادي والمسكينه بوادي
::الحين نوصل اصبري شوي
وبعد فر وفر وثم فر وصلنا لمحل القهوة
::يالله انزلي
::فين هادا مو بن داود<<أتعلمت اللهجه الحجازيه هع هع
::بعدين نروح أنزلي << بعد تصبيط اللثمه وتعديل المخده اللي طاحت
وندخل الكوخ العجيب
وأجلسها بقسم العوائل وأنا أروح أطلب
::خليكي هنا لاتروحي فاهمه
::طيب لولا بابا مافي تأخير انا في خوف
<< مشيت منها وهي تتحلطم
عند الحساب
يؤؤه يازحمة
تقول بقلبها >>>ياحلوا البنت لو جات الكل يبعد عنها عِز مو هنا نستنى السرى لو أنهم يعرفوا اني بنت بس خخخخخخ
جاء دوري
:: بالله يامحمد اتنين كراميل موكيتوا
وبعد تسديد المبلغ المطلوب رحت للطاوله
::يه هذي مي هيا طاولتنا
إلا هيا انا متأكد << بنت انا متأكده ولا عشتي الموقف
الطاوله اللي جنبها
::عمى بعينك ماتستحي تطل على غيرك
::خلاص خلاص اسف يالحبيب كنت بدور مرتي بس
::نعم
::لا أمزح معاك احب النكته انا .. الله يسعدك مع الحلوه اللي معك بس كنت بدور طاوله فاضيه وعليها مثل هالحلوه
::الظاهر جد تحب النكته تحب انكت عليك >> ونا اللي اقلبها براسي ايش قصدوا يغازلني لا ما أسمحلوا قليل الأدب
ارد بحمش:mad:
::لا ما أبغاك تنكت عليا بس سيبني
::ههههه اسيبك والله باين عليك **** << كلمه تنقال عن الخكري بس نسيتها مشوها هههههه
::نعم مافهمت :confused: <<يسبني ونا مطري
::لا ولا شئ بس الله يستر عليك ورنا عرض كتافك ولا تعودها
::ياطيب يالحبيب خلاص ابشر بس فكني << بقلبها الأخيره
::ياربي فين راحت هالزفته
::نعم بابا << فلبيني الطلبات
::ماشفت وحده فلبينيه مغطيه هنا
::نعم
ايوا والله اني هبله مغطيه كيف بيعرفها
::ايوا بابا انت اقصد وحده في اجلس هنا فلبيني
::انت شفتها
::لا مافي سوف .. انا سوف هيا اخرج مع واحد هنا
::يابنت اللذينا::طيب شكرا

وأخرج من المحل
وأنا أجري وخايفه لا تطيح اللثمه وأنفضح
وأركب السياره وإلا أشوفها بالسياره اللي جنبي كاشفه الويه وهاتك ياضحك وسواليف
اناظر بعيوني :معقوله: ايوا والله هيا
فتحت الباب بنزل
وإلا همن يفركوا بالسياره
وأنا أدوير ووراهم
قطعوا إشاره ورااااااااهم
وبالعافيه السياره تمشي وألف تنتيعه وتنتيعه الله يعله السواق مدري كيف كان يسوق
وورااااااااااهم
وألهمني ربي أخد رقم السياره اللي هم فيها
وووراهم
راحوا يمين وراهم
دخلوا شمال وراهم << قلبت أغنيه
قطعوا الإشاره <<قلتيها قبل كدا غيريها >> لاهنا وقفت عندها خفت أخد قسيمه وأروح فيها
طلعت الإشاره مخضره
وأحك راسي وأكمل وراهم
دخلوا حي وراهم
ماسكتهم ماسكتهم << ولا أبو *** >> اسم أشهر مفحط ناسيه اسموا كملوا أنتو << ترى مالها داعي تكتبي>>بعد التعديل افتكرت اسموا ابوزقم هه هه هه
عكسوا شارع
عكستوا ووراهم مافي مفر
دخلوا يمين لا مادخلت وراهم
قابلتني الشرطه ووقفتني
الله من الحظ الحين ماشفتوه وشفتوني
يامصيبه ايش اسوي وكيف أكلم الرجال والله اتنفض قداموا ورجولي تطقطق :(
فتح الباب

::أنزل
::ها
::انزل ماتسمع
::لا اسمع حاضر<< اخص وين راحت المرجله
::رخصتك
::انا
::اجد أنا
ونا بدور بجيوبي وأفكر وسكتٌ دهراً فنطقتُ كفراً << تراه مثل لاحد يصدق من راسها
::والله ياطويل العمر اني بلحق على اختي واحد خطفها ونا ماشئ وراه
داخل عل الله ثم عليك تلحق عليها لا يساوي فيها شئ والله ان سار فيها شئ لا أروح فيها تكفى طلبتك<<متأثره بالمسلسلات البدويه
عاد هوا أخذته النخوه
::ابشر بس ليه ماقلت من أول عطني رقم سيارته
::خد دا الرقم دخل من هنا بسرعه نلحق عليه لا يروح مننا ونا بمشي وراك ياطويل العمر
::سم يالله اركب
::لا فين تجي معايا مايسير عيب << افتكرت انها بنت

::نعم
::لا أقصد مايسير تخلي سيارتك هنا واقفه تراى بسياره الشرطه ازين بكتير ونا بسير وراك>>خربت اللهجات أزين وكتيييييييير يالبووووووو هههههههه
:: يالله الحقني طيب على قسم الشرطه
::والفلبيني وشغالتنا
::نعم وايشبلاك من اول تقط خيط وخيط محد فاهملك
::اقصد اللي خطف اختي
::انت شكلك متأثر بالأفلام الله يقطع هالدشوش خربت العالم
::لا ياشيخ فين متأثر أنا أكلمك جد والله
::يالله بس اركب وامشي ورايا
::الظاهر ماكوا فكه

وأركب سيارتي وأتلكع فيها وأرجع رويس وهوا لف يمين
وأسحب بريك تاني وأول طريق يودينا بيتنا
دقيقتين ووصلت مدريت عن الدنيا الطواريق فاضيه وسبحان الله على التساهيل هههههههه<< طواريق مو أغنيه عباس ابراهيم من طريق يسلك طريقاً هذا الشاب
يامحلاك يابيتنا والله معد أخرج منك
وطلعت مفاتيح الشقه من شنطتي اللي أخدتها معايا << لسى ماتعودت على الجيوب
وأدخل وأغسل المكياج وأفسخ ملابسي ولبست ملابس البنات
ورحت أبغى انام ومن التعب ماحسيت بحالي
وقمت أصرخ

ماريتا<<< نسيت إسم شغالتهم من الفجعه
ولا مخده تنصك بوجهي :ياويلك مني:
::ويع ان شاء الله أمتحنتينا كل يوم وانتِ نايمه بالمجلس قومي أشوف وايش تبي بريتا<< بالله هادا تعامل أم :g: بشتكي على حقوق الإنسان
::لا ولا شئ بس وينهي
::اديتهاعبايتي تغسلها
ونا أجري على الحمام
::ريتا
::نعم بابا
::هااااااااااااااااااااااااا :eek: <<< يامصيبه هيا تدري
::سوري لولا أنا أفكر أنت ابويا
::هاااااااااا :eek: << يامصيبه اتأقلمت على صوت الولد
::لولا ايش يبغى انتا كلوا ها ها
::لا ولا شئ
اشوى طلع حلم مهوو صدز والله يانومة الكنبه تغث الواحد<<فضلت خير النت قلبت اللهجة

تبغوا الصدق عاد
ياحلوا البنت حلاوه :احبك:

حرررررررررررررررام عليك لولا

ليـش كذا الحين

والله انك محششه 100%

ههههههههههههههههههههههههههه

واخر يطلع حلم حرررام عليك والله
اقعد اقرا الموضوع بعدين يطلع حلم ههههههه

لكن تعالي كيف تعرفين تسووقين ههههههههههه
والله لو هذا حقيقة في اقرب عامود هههههه

وبعدين وش ذنب الشغاله هههههههه

يعيطك العافيه باب .. لولا ههههههههههههه

وشكلي انا راح احلم اني اصير بنت ونجرب هههههههه
وان شاء الله تكون بدايت عودتك لنــا لولا .. لاتقطعينــا

هههههههههههههههههههههههههااي

خيرها بغيرهاا


ههههههههههههههههههههههه

أنا محششه يالهوي ههههههههه

أمانه بس مهي وناااااااااسه القصه ههههههههههه

يالله خلينا نشوف قصتك ونتا بنت هع هع

أما تخيل أثوق بأول عامود على قولتك

بس ساعتها بخليك تعلمني الثواقه عثان أول ما أثوق أصدمك خخخخخخخخخ

والله مشكله الواحد يكون متحمس
وفي الاخير يآكل خابور هههههههههه
مال لها داعي هالحركات يا لولا ههههههههه
عموما انشاء الله تحلمي بـ عزرائيل المره الجايه
وتنزلي حلمك هنا ههههههههههه
امزح امزح هههههههههه يعطيك الف عافيه لولا

ههههههههههههههههههههههههه

وه ياندمتي أتحمست لاع أسفه ماكان قصدي أحمسكم هع هع

كويس يعني دا يرفع معنوياتي أعرف أخرط على خلق الله هههههههههههههه

يالهوي وشوله عزرايل مرتن وحده كدا ههههههههههههههههههه

خليها بالقاتل الصامت خخخخخخخخ

الله يعافيك يالبووو

نورتنا وأسعدتنا بقدومك الميموون << بإذاعه الصباح هههههههههه