كـيـف تنسخ ملفاتك على سى دى 900 ميجا ؟ 000 شرح صامت مصور خطوة بخطوة 0

خياط كنتاكي للحلاقه · 12-21-2007, 10:52 AM

أعلم أن هناك أكثر من موضوع يتحدث عن كيفية النسخ على السيديهات سعة ال 900 ميجا بايت 00 و قد قرأت معظمها و لعلمى إن بعضها ليس بالسهل أستيعابه خاصة للأخوة الذين يخطون خطواتهم الأولى فى هذا العالم من المعلومات ( الكمبيوتر ) 00 فقد رأيت أن أدلو بدلوى أنا الآخر و أضع هذا الشرح المصور 00 يا رب يعجبكم و يستفيد منه حتى و لومشاغب واحد فهذا هو بيت القصيد من الموضوع 00 و قبل أن أترككم مع الصور أود أن أذكر بأنه من الأفضل ترك 50 ميجا على الأقل خالية بالسيديهاية اللى هتحرقها 00 يعنى أحرص على أن لايزيد حجم البيانات التى تنسخها عن ال 850 ميجا مثلما هو الحال مع السيديهات ال700 ميجا إذ أنه يفضل أن تكون كمية البيانات التى تنسخها عليها لا تزيد عن ال650 ميجا 00 و الآن مع الشرح و الذى تم بأستخدام برنامج النيرو 00

شرح الطريقة

نشغل برنامج النيرو بالضغط على أيقونته اللى على سطح الشاشة فيظهر لنا الشكل التالى

نضغط على السهم الأسود الصغير اللى على الشمال فيظهر الشكل التالى

نضغط على المفتاح Nero Express فتظهر لنا النافذة التالية

نضغط على المفتاح Nero اللى بجوار علامة الأستفهام ( تحت خالص ) فتظهر لنا نافذة New Compilation كما بالشكل التالى

نضغط على المفتاح New أسفل علامة الأستفهام

تظهر لنا نافذة جديدة إسمها ISO1

نضغط بيمين الماوس على File و نختار Preferences

تظهر لنا النافذةPreferences

فى المفتاح General نعدل القيمتين ال 74 و ال 80 كلتاهما الى 100 و لا ننسى أن نضغط على المفتاح OK

نضغط على المفتاح الآخر Expert Features ( وهو االلى فوق المفتاح Genera )

نغير القيمة 82 الى 100 و أيضا لا ننسى أن نضغط على المفتاح OK

تظهر لنا النافذة ISO1 مرة أخرى 00 نعمل كليك بيمين الماوس و نختار الملفات المطلوب حرقها و نراعى أن لا يزيد حجمها عن ال 850 ميجا 00 نختار Copy من القائمة التى تظهر لنا 00

فى أى جزء بيسار النافذة ISO1 نعمل Paste

لاحظ 00 و كما هو مبين فى الصورة التالية 00 إن حجم الملفات التى سيتم حرقها هو 820 ميجا ( أقل من ال 850 ميجا )

الآن نضغط على المفتاح اللى على شكل أسطوانة و عود كبريت ( المفتاح الخامس من على الشمال فى صف المفاتيح )

تظهر النافذة Burn Compilation

نعلم أمام الأختيار No Multisession

اندوس على المفتاح Burn الصغير و الموضح فى الشكل التالى

هنا هنعمل 3 حاجات 00 أولها نحط علامة فى المربع أمام Finalize CD و الثانية نختار السرعة الأقل من سرعة ال CD اللى هنكتب عليها ( هنحرقها ) 00 يعنى أنا لما عملت الشرح ده كانت الCD اللى معايا مكتوب عليها السرعة 52 X فأخترت السرعة اللى تحتها مباشرة و هى ال 48 كما بالصورة 00 و الحاجة التالتة و الأخيرة هى أنك تعدل المربع اللى أسفل السرعة الى الوضع : Disc-at-once .. بس خلاص

بعد ما تعمل التعديلات المذكورة أضغط على المفتاح Burn العريض ( أسفل علامة الأستفهام

تظهر لك الرسالة التالية و التى تحذرك و تحملك المسئولية الكاملة عن الأسطوانة اللى هتروح أونطة بسبب التعديلات اللى أنت عملتها و كمية الملفات اللى ناوى تحرقها 00 و لا يهمك منها 00 دوس على Write Overburn Disc و أنت مطمئن 00 طبعا بعدها سيتم حرق الأسطوانة بنجاح 00

ملحوظة

يمكن لمن لا تظهر عنده الصور بعاليه أن يحمل الملف التالى :
http://hyperupload.com/download/02fe...DON9R.rar.html

اصلع وشعره كثير · 12-21-2007, 11:49 AM

يعطيك الف عافيه

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحـــــث المتقـــــدم
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

كـيـف تنسخ ملفاتك على سى دى 900 ميجا ؟ 000 شرح صامت مصور خطوة بخطوة 0

منتدى البرامج المشروحة