إحساس شاعر

اول شي الله يسعدلي اوقاتكم بكل خير ويعطيكم العافيه ..
هذي اول مشاركه لي معكم اتمنى من الله عز وجل انها تحــوز على رضاكم ..

اترككم مع ابياتي اللي اتشرف انه تكون بين يديكم ..

وهي رد على احد المتذوقات للشعر عندما طلبت مني اكتب فيها قصيده .. لكم القصيده يالغالين


جتنـي تعاتـب والعتـب تستزيـده
يا زينها ويا زيـن حتـى عتبهـا

قالت تجيد الشعر ؟ قلت إيه أجيـده
- (هي جت كذا ) لازم أنفـذ طلبهـا

قالت أبيـك تقـول فينـي قصيده
أبي الجموع تصيح منهو كتبهـا ؟

ابـي القوافـي والمشاعـر فريـدة
ابيـك تتعبنـي وأحـس بتعبـهـا

أبيـك تلعـب فـي بحـورٍ جديـده
أنت الوحيد اليـا لعبهـا .. لعبهـا

تكفى طلبتـك يـا جنـاب الوليـدة
جبها على الطاروق يا شيخ جبهـا

المشكلـة طفلـة وطفلـة عنيـدة
قبـل سنـة قطـت بقايـا لعبهـا

واليوم سيد النـاس تصيـر سيـده
كم سيد قوم جـا لبوهـا خطبهـا

يلعن ابـو جـد الشعـور وكديـده
إن كان ما ولّـد قصيـد بسببهـا

الزين مـن ربـي ويعطـي عبيـده
ماهي من اللي زينها فـي ذهبهـا

وإذا نـوت حـي تكيـده ... تكيـده
يا قبلـة الله يـوم ترخـي هدبهـا

ويا شعرها لامـن عصاهـا تعيـده
للخلـف ويغطـي مثانـي ركبهـا

والطول ياهل الطول عنق الفريدة
طولـي إذا قطـت صغيّـر كعبهـا

وشلون أعدد من صفـات عديـده ؟
يكفي تـأدب جيلهـا مـن أدبهـا

عندي قريبـة بـس عنـي بعيـده
وهي مسألة صعبة على من حسبها

يا الله عساني قلـت فيهـا قصيـدة
وعسى قصيدي يا جماعة عجبهـا


وسلامتكم ..
اتمنى انها تصل لذائقتكم الشعريه

إحساس شـــاعر

بقايا جروح

©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــ¤© §¤°حلوووو°¤§©
©§¤°يسلموو°¤§©¤ـــــــــــــــــــــ¤©§¤°حلوووو°¤§ ©
©§¤°يسلموو°¤§©¤ـــــــــــــ¤©§¤°حلوو°¤§©
©§¤°يسلموو°¤§©¤ــ¤©§¤°حلوو°¤§©
مشكوووووووووووووووووووووور
مشكوووووووووووووووور
مشكوووووووووور