سفاح المدينة ....آخر الأخبار

سافرت فترة لمدينة الرياض ووصلت يوم الجمعة الماضي 20/1/2006
20/12/1426 .... المهم الواحد متعود يسمع أخبار حلوة...يستقبلوه الناس بكلمات ترحيب...

اللي لقيتو استقبال حار جداً بقصص عجيبة ( أفلام هندية )

حكايات وروايات ... كان ناقص بس أجيب فشار وكولا وأتفرج ...


السفاح

والله عجيبة

المدينة المنورة .... السفاح

من القصص اللي سمعتها:

هما رجلان واحد أبيضاني ويداوم الصباح من 7 - 11 .... يصرق البيوت فقط

التاني أسود البشرة ودوامو مسائي ... علشان ما يبان ومعاه سكينة خضرة ويلبس ملابس رياضية

( يعني لو كان أي أحد معاه سكينة حمرا مو هوا ... ولا اذا كان لابس توب )

مهمتو النساء والسرقة

قصة تانية موضوع حامل الايدز

قصة تالتة من النيجر و طلع من السجن وحاقد على أهل المدينة

وقصص آخرى رهيبة


أهم شي في الموضوع ..... نستفيدو من السفاح:

1- الحريم اللي كانو ينامو الصباح كلو ويسهرو الليالي قعدو في بيتهن وأول ما يجي الرجال من العمل يلاقي البيت في أحلى ما يكون والغداء في وقتو.

2- أصحاب محلات الأقفال والأبواب أغتنو وصار لهم شأن في السوق وأسعارهم صارت أعلى من سهم سابك

3- مدير الشرطة صحي من النوم بعد تهديد الأمير له

4- نعرف كيف الأمن ومستواه الحقيقي في المدينة الحبيبة وانو لازم يتعلمو من هذه القصة وزارة الداخلية ويغيرو من سياستهم الأمنية.



اللي عندو تعليق الرجاء افادتنا به


وشكراً