$ ليـــ الموادع ـل $

بسم الله ,,

احبتي جميعا

إن الشرح عن هذه القصه الواقعيه والتي حصلت قبل ايام لأم ربّت وتعبت وقابلها من ربته بالجحود ليطول ويطول ولان التعبير احيانا يخون المعبر فأترك بين ايديكم هذه الأبيات ففيها شرح لتلك المأساه لانها بالفعل مأسااااااااااه ولتعذورني على هذه الاحرف وتواضعها ..

00000

000

0





غاب ابوه اللي يضمّـه .. ولابقيلـه غيـر امّـه أم عـن أُمّـه بْكُبًرْهـا . وكـل طيـبٍ تحتويـه









كلها عطف وامومه .. شالـت الوقـت بهمومـه وِدّهـا تسعـد ولدهـا . بـايّ شـي وتحتميـه









أمّنت له كل شـي .. وحبـه ابهـا نبـض حـي ولو طلبهـا ماطلبهـا . سـاع يطلـب تشتريـه









كافحت في هالحياة .. وسـوّتِ الْـه المعجـزات ولـن تأخـر ماتنـام . الليـل كلّـه تحتـريـه









تبكي والدمع يغشاها .. وتمسحـه لامـن جاهـا ماتبيه يشوف دمعـة . حـزن تكسـر ناظريـه









ومن بعد ماشبّ عوده .. واستوى وكبرت عضوده وصار متزوج بعذرا . ( لا) معاها تصيـر ( إيـه)









نسّتـه امٍّ وفتلـه .. يـوم الاجـوا ماصفتـلـه لا وقالت لـه انـا ابغـا . بيـتٍ امّـك ماتجيـه









كيف أصير بّبيتي حرّه .. وانا اشـوف الأم ضـرّه وخططتله ودبرتلـه . وسـوّى كـلّ اللـي تبيـه









ولن شخصيته ضعيفه .. وامّـه اشبـه بالكفيفـه ماتوانـا لـو دقـايـق . يـطـرد امٍّ ترتجـيـه









وقام سوّا له جريمه .. وشالهـا شيلـة غريمـه وعقب وصّلها الرعايه . صوتت لـه هيـه هيـه









ياوْلِدي وين انت رايح .. قالتـه والدمـع سايـح والتفـت فيهـا ورد . بــرد متنـكّـر سفـيـه









قال انا رجال تاجـر .. منشغـل بيـن المتاجـر وان بغيتينـي بحاجـه . هـذا رقمـي واطلبيـه









ولجل ماتجرح شعوره .. طاعته بامـره وشـوره وابتعـد عنهـا وقفّـا . وكـلّ ماسـوت نسيـه









وهمّل امّه ياحسافه .. وصـد واعلـن انحرافـه وصـار مايسـأل عليهـا . ولاتلاقـوا بالوجيـه









والا هي يوم ادْخَلَوهـا .. بالرعايـه وِانْشدوهـا قالـت بنبـره حزينـه . اولـدي والله يهـديـه









عنده اشغالٍ كثيـره .. وكـم محـلٍّ هـو يديـره وعاذرته بمافعـل بـي . دام مامـره فـي يديـه









ومن ولعها فـي ظناهـا .. كـلّ هـمٍّ اكتساهـا واصبحت في وضع مؤسف . وضع ماتحسد عليه









وضع كلٍّ به تأثر .. عاشت ابـه اسبـوع واكثـر لين روح الطهر فاضت . من جسد طاهـر نزيـه









وحلمها اللي في ولدها .. لاكبـر يكبـر سعدهـا مـات لحظـة كفنوهـا . ولابقـا ياكـود لـيـه









ليه همّلهـا وجفاهـا .. وليـه ماقـدّر وفاهـا وليه يقتل حلمها اللي . من زمـان تعيـش فيـه









ليه وكم من ليه مرّت .. في خيالـي واستقـرّت شرقتبـي وغربتبـي . وكـل رجــمٍ اعتلـيـه









والله ياعالم مصيبـه .. وواقعـه فعـلاً غريبـه منها تبكـي كـل عيـن . وينجـرح قلـبٍ نبيـه









ولكن الكلمـه أخيـره .. رددوهـا بكـل ديـره وقولوا ( من يبغا رضا الله ؟. يطلب ارضا والديه )









****
__________________